Skip to content

Posts from the ‘Fanka iyo Suugaanta’ Category

18
Jan

HADAAD KALAMAAN MAQLI JIRTAY MUUQAALKOODA…..

24
Dec

Riwaayadii Hinaasa!

10
Dec

Maxamed Mooge iyo Muuse ismaaciil Qalinle Taariikh Kooban Alle Ha u Naxariisto Dhamaantood.

5
Dec

Waayihiisa Jaceylka……

5
Dec

Abdisalan Hereri iyo Safiyo Tusmo!

5
Dec

Abwaan Muuse Cali iyo Sheeko Xiisa Badan

29
Nov

SILSILADII SIINLEY

1
Nov

ADUUN I KHATEL SHEEKO DIGNIIN AH!

26
Oct

FULEY BEEN BADANAA SHEEKO GAABAN!

 

21
Oct

Maadeyska Maanta(Khiyaamo Guur)

KHIYAAMO GUUR MAADEYSKA MAANTA

18
Oct

RIWAAYADA DAN KA HADAL……..

 

24
Sep

DIIWAANKA QOSOLKA IYO JAMAAL CALI XUSEEN ILA EEG!

 

15
Sep

ABWAAN HADRAAWI IYO MID KA MIDA XIKMADAHA KU DUUGAN GABAYADIISA

WAXAA UGU HOREY ALLAH (SWT) UGA BARYAYAA KHAYR DUNIDA IYO AAKHIROBA  MUDANE MAXAMED IBRAHIM WARSAME OO AH HALYEY SIYAASI,FALASUUFAR, MACALIN IYO SUUGAAN YAHAN CAALAMI AH. WAXAA AAN MARKALE ALLAH(SWT) UGA BARYAYAA CAAFIMAAD TAAMA IYO FARXAD TAAMA.AAMIN AAMIIN YAA RABI…..

14
Sep

Majaajilo kooban Ruwaayadii Jeel iyo Jacayl

 

2
Aug

Abwaan Dacar

26
Mar

Malabkeenii Doocaan dacar Buu Dhadhamayaa!

13
Feb

TARTAN WEEYI DUNIDUYE

Maansan Waxaa Curiyey Abwaanka da’da yare Cabdilahi Yusuf xasan waxaana uu ku bilaabayaa sidan:

noloshu waa sidaa humaag laba geesle ah
 oo gees ku dilayo geesna ku dawaynayo
 hadana waxaad moodaa inaad adigu sabab u tahay
 dawada iyo dilitaanka naftaada iyo nugaylka wakhtiga
 hadaba tixdan TARTAN waxay kaaga digasaa ku dayashada ruux liita
 iyo himilo la’aanta aad u horseedi kartid Ku dasho indho la'aan ah.
 Tartan weeyi duniduye
 Ha tilmaansan waligaa
 Ruuxaan taami garanayn
 Oo tacab khasaare ah
 Isagaa tilmaantana
 Kugu tuura naartoo
 Kolay tahay timaadada
 Tirsigiyo dharaaraha
 Talan toolka waayaha
 Hadba teeda suganiyo
 Hadba tii tagaysana
 Ku tabayn xiskiise
 Adiguna tiraabtiyo
 Tacliintiyo ha sii dayn
 Teelteelka maalmaha
 Tusaaluhuna waa fahan
 Lagu taabo qaado
 Maskaxdoo la tuuja
 Tusmo aad jaqdaabay
 Toos kuugu dhiiqdaa
 Ood ku taabo qaada
 Tacab waxaad u leedahay
 Haduu ruux tagoog jabo
 Toos loogu kabayee
 Rabigeen tashigiyo
 Nagama tuuro gashada
 Inaguna tilmaantiyo
 Ma sii dayno tukashada
 Shanta tiir islaamiyo
 Taageeridoodaba
 Talo waa wixii saxa
 Arin waa wixii togan
 Ee taabo galayee
 U talaabso waligaa
 Sidii aad tisqaadood
 Tamar waafa leeday
 Mar hadaan islaam tahay
 Waxaan tiigso leedahay
 Rabibaa tolkaayee
 Talo saaro kaligii.
 By Cabdilahi Yusuf Xasan
4
Feb

WAXBA IILAMAAD HADHIN

Heestan wuxu markii ugu horeysay soo saaray abwaan Cabdiqays 1988kii markii Burco iyo Hargeysa dagaaladu ku dhexmarayeen Xoogagii SNM iyo Ciidamadii Taliskii Siyaad Barre. Wakhtigaasi Cabdiqays wuxu joogay Muqdisho waxanay aad isugu xidhnaayeen niman Madax sare ka ahaa dawladda oo weliba hayb ahaanna reerka uu Siyaad Barre ahaa ka soo jeeday qaarna ay qoyska odaygaba ahaayeen, taas oo dadkii taageersanaa SNM qaarkood ay gaadheen heer ay ka shakiyaan.
Maalintii ugu horeeysay ee heestan uu soo saaray waxa la fadhiyaa guri ay degenayd fanaanadii waynayd ee Shamis Abokor (Guduudo) waxanu la fadhiyaa nin janan( Sareeye Guuto) ahaa oo la odhan jiray Cabdi Xaaji Xaashi oo Siyaad Barre uu seedi u ahaa iyo nin isaguna isla reerkaas ah oo Baanka Dhexe gudoomiye ka ahaa oo la yidhaa Maxamed Aadan Guud, dad kale oo fanaaniin u badan rag iyo dumarba lihina way fadhiyaan.
Zaynab Cige oo dagaalku uu ugu dhacay Hargeysa ayaa dirqi kursi ku soo heshay dayuurad oo ka soo degtay Muqdisho waxay markiiba daf soo tidhi gurigii Guduudo oo ilyartu isqabatay. Zaaynab oo warkii kub-ku-siigaalaha sidday ayaa la waraystay oo si daacad ah isaga warrantay. Ninkii odaygu seediga u ahaa oo malaha xamili waayay warkii dhiilada lahaa ee Zaynab ayaa is-hayn waayay oo sua’aal lama filaan ah ka dhex tuuray waraysigii oo yidhi “Zaynab horta Isaaq muxuu doonayaa?” Shib baa la wada yidhi hadalkiina waxa horarsaday ninkii ugu xigay ee tolkii ahaa oo yidhi “waar xishood ragoodii baa fadhiya ee dumarka wax ha waydiin” shaw goobtana wax rag ah oo duriyadda ah Cabdiqays waaba keligii, dadkii oo dhamina mar keliya xagiisa ha soo wada jaleecaan. Hadal waxa ka soo baxay “ Khadraay kamankaa ii dhiib” Khadrina fartay ka saartay markaasuu bilaabay heestan oo Khadri Daahir ay qaado

Waaxyahayga go’an baad
Waraabaha ugu baaqdoo
Wadar habar dugaag baad
Wacdayood u yeedhoo
Ku wiirsaad lahaydoo
Noloshaba ha waayee
Anuun baan wadkaygiyo
Wakhtigaygu galinoo
Waynahu i daayee
Waxba iila maad hadhin

Wabiga i sitee
I walwaalayaa
Xaguu igu waadaa
Waydiiya oo
Wed waa loo dhashee
Wax ka daran miyuu
Ii warinayaa?
Waraariyo jar dheer
Waadiga xargaga
Hayga weecinoo
Hayga waabin dhaha
Imisaan walwaal
Iyo ceel wardheer
Kaga baxay wadaan?
Imisaa waaheen
Wabi soo rogmaday
Igu daray bad weyn
Waxna aanan noqon?

Adoo walax suniyo
Waabay cabaa
Waa kuu beryaa
Wirriiriga hadii
Wed lagaaga dhigo
Ma ogtahay wakhtiga
Lama waabiyee
Waaceen jiriyo
Wehel baynu nahay
Wanaagaan qabana
Wayga wayraxshaan
Waan ku waaniyaa
Wacdigaad dhegaha
Waydaarisaa
Wanaag baan sidaa
Jacayl baan wadaa
Anoo waafiyaad
Wayd iga dhigtaa
Waraar iyo jar dheer
Waadiga xargaga
Hayga weecinoo
Hayga waabin dhaha
Waaceen jiriyo
Wehel baynu nahay
Wanaagaan qabana
Wayga wayraxshaan
Waan ku waaniyaa
Wacdigaad dhegaha
Waydaarisaa
Imisaa waaheen
Wabi soo rogmaday
Igu daray bad weyn
Waxna aanan noqon
Wanaag baan sidaa
Jacayl baan wadaa
Anoo waafiyaad
Wayd iga dhigta

source:

Facebook’s Ali Gurey

4
Feb

HORTAA BAAN BARAARUGAY

 

Ogoow wakhtigu waa mid sida silsilada is daba socda oo shalay manta iyo bari waa  taxane soconayoo  Dharaar waliba wayaheeda leh.Bale ila wadaaga sheekandan iyo tixdan baraarujinta ah:

Maalin ayay laba wiil ku heshiiyeen inay

Wax wada dhaqdaan isla markaana lacag isku darsadaan

Iskuna biirsadaan xoog iyo talaba waxay hayaan

Waxayna iswaydiiyeen waxay awoodi karaan

Isla markaana gadan karaan ee lacagtoodu u goyso

Waxay maskaxda rogrogaanba waxay go aamiyeen

Inay digaagad iibsadaan ileen jeebkooga ayaa sidaa yidhiye

Isla amintiiba way soo gateen balse waxay ka fikireen

Sidii ay uwadaagi lahaayen ileen waa hal digaagad iyo laba wiileh

Midkii ugu maskaxda badnaa ayaa markiiba hadal kusoo tuuray

Kii kale isagoo leh waar aniga waan ka tanaasulay

Iibka digaagadan waayo inooma qayb samayso

Ee shan cisho beedkeega isii oo kaliya lana wareeg idigaagadaba

Wuu farxay laakin muusan fahmin ujeedada saaxibkii shanta beedka ah u dalbaday

Wuuna aqbalay hadalka saaxiibkii kasoo yeedhay wuxuuna u qabtay muddo

Waxa dhamaaday mudadii wuxuuna qaatay shanti beedka ahaa ee ugu horeeyey

Dabadeed wuxuu u dhigay digaagad kale oo xafashtay si ay ugu dilaaciso( kiciso) shan digaagadood

Oo kale wuxuna u samray mudadii ay ku fadhiday digaagadu

Halka kii kale uu iibinaayey beedka ay u dhasho digaagadu

Isagoo aan ka fikirin waxa ku iman kara digaagadan keliya geeri iyo gabowba ( kordhi xabadan digaagada).

Kii u dhigay shanta beedka digaagada way u dilaacisay

Wuxuuna markaliya yeeshay afar digaagadood iyo diig

Waxana maseeray  kii kale balse si aad u hesho jawaabta akhri waa tixdan hoos

Ku xusan:

Hortaabaan  baraarugay

Banaystoo albaabkii

Buuxsaday dhankaygii

Shanta beeda markaan helay

Umay baahan calooshuye

Caqligaa bisleeyoo

Bari kaydso igu yidhi

Ma anaa bartaa dhigay

Kan barooranaayee

Sheegaaya baahida

Waan wada bilawnoo

Kala baadnay hadanee

Bal maxaan se dheeraa

Garan maayo buuqane

Malaha Bisinkuu hilmaame

U bilaaba maantaba

Garan maayo baab kale

oon wax kuugu bidhbidhiyee

laydhkaa baxaayee……….

Mahadsanidin

la soco qaybaha dambe

waa Murtidii iyo qoraalkii

Abwaan Cabdilahi Yusuf (Baqaye)

 

%d bloggers like this: